день сорока севастийских мучеников

Празднование Дня сорока мучеников Севастийских

Когда будет День сорока Севастийских мучеников в 2017 году?

День сорока Севастийских мучеников ежегодно отмечается православной церковью 22 марта.

Этот праздник посвящен памяти воинов из армянского города Севастии (ныне территория Турции), которые приняли мученическую смерть за христианскую веру.

В День сорока Севастийских мучеников строгий Великий пост смягчается. В храмах возносят молитвы в их честь.

Молитва первая сорока мученикам Севастийским

«О святии славнии страстотерпцы Христовы четыредесяте, во граде Севастийстем мужественно за Христа пострадавшии, чрез огнь и воду прошедшии и в покой Царствия Небеснаго вшедшии, со Ангелы и всеми святыми светло ликовствующии! Вы, яко друзи Христовы, имате велие дерзновение ко Пресвятей Троице ходатайствовати о роде христианском, наипаче же о почитающих и призывающих вас с верою и любовию. Темже и мы, святую память вашу празднующе, тепле взываем: испросите нам у щедраго Господа прощение согрешений наших вольных и невольных, да остающее время земнаго жития нашего поживем в покаянии и творении заповедей Божиих, всегда памятствующе смерть и суд праведный, егда воздано будет коемуждо по делом его. Вы бо, славнии мученицы, в воинстем чине за имя Христово крепко и единодушно подвизастеся и души своя за Него усердно положисте, помозите убо и нам пребыти твердыми и непоколебимыми в вере православной. Ей, угодницы Божии, будите нам защитницы от всех враг видимых и невидимых, да под кровом ваших святых молитв сохранени будем от всех зол даже до последняго дне и часа скончания нашего, и тако прославим о вас Всесвятое достопокланяемое имя Вседетельныя Троицы,Отца и Сына, и Святаго Духа во веки веков. Аминь».

Молитва вторая сорока мученикам Севастийским

«О страстотерпцы Христовы, во граде севастийстем мужественно пострадавшии, к вам, яко молитвенникам нашим усердно прибегаем и просим: испросите у Всещедраго Бога прощение согрешений наших и жития нашего исправление, да в покаянии и нелицемерной любви друг ко другу поживше, со дерзновением предстанем страшному судищу Христову и вашим предстательством одесную Праведнаго Судии предстанем. Ей, угодницы Божии, будите нам, рабам Божиим (имена), защитницы от всех враг видимых и невидимых, да под кровом святых ваших молитв избавимся от всех бед, зол и напастей до последнего дне жизни нашея, и тако прославим великое и достопоклоняемое имя Вседетельныя Троицы, Отца и Сына и Святаго Духа, ныне и присно и во веки веков. Аминь».

В День сорока Севастийских мучеников в православных храмах читают особый тропарь, кондак и величание.

Молитвы сорока мученикам Севастийским

Тропарь, глас 1
Болезньми святых, имиже о Тебе пострадаша, умолен буди Господи, и вся наша болезни исцели Человеколюбче, молимся.

Кондак, глас 6
Все воинство мира оставльше, на небесах Владыце прилепистеся, страстотерпцы Господни четыредесять: сквозе огнь бо и воду прошедше, блаженнии, достойно восприясте славу с небес и венцев множество.

Тропарь, глас 1
Страстоносцы всечестнии, воини Христовы четыредесяте, твердии оружницы, сквозе огнь и воду проидосте, и ангелом сограждане бысте, с нимиже молитеся Христу о иже верою хвалящих вас: слава давшему вам крепость, слава венчавшему вас, слава подавающему вами всем исцеления.

Тропарь, глас 3
Страстотерпцы Христовы четыредесяте, во граде Севастийстем мужественно пострадавшии, чрез огонь и воду прошедшии, в покой вечный вшедшии, молитеся о нас ко Господу, да жизнь нашу мирну сохранит, и души наша спасет, яко Человеколюбец.

Величание
Величаем вас, святии мученицы, и чтем честная страдания ваша, яже за Христа претерпели есте.